දැන් ඉතින්....
දුරුතු මාසෙත් ඉවරයි
ගෙවුණ ඉක්මන පුදුමයි
හිරි වැටී ඇති හිතට රහසේ
සීතලද නික්මී යයි
මීදුමද දිය වී යයි....
හෙට ඉඳන්....
පෙබරවාරිය එළඹෙයි
ආදරේ සඳ දිලිසෙයි
අකල් වැහි වට හිතේ මතුපිට
රිදුම් ඉඳහිට පෑරෙයි
පුංචි වලවල් හෑරෙයි....
කවුළුවෙන්....
තාරකාවක් පායයි
විසල් අහසට යාවෙයි
අනන්තයටම පියාඹනු වස්
පියාපත් යුග හිමිවෙයි
ඒ සැනින් හිත ඉගිලෙයි....
මේ දැනුත්....
කදෝකිමියෙක් ඉගිලෙයි
නිවි නිවී යළි දැල්වෙයි
අතරමං වූ බවට ඉඟි ඇත
ඒත් පිහිටක් නොලැබෙයි
කොළඹ අහසම නිදියයි....
No comments:
Post a Comment