රිදුනු සිත අමුතුවෙන් රිදෙන්නට තැවෙන්නට
තව දෙයක් ඉතිරි වී නැති නිසා
කැමති නම් යනු පිණිස ඔබට රිසි ලෙස නික්ම
මා සිටියෙ හද දොරටු හැර තියා
හොයන බව දන දැනම මුවා වී සඳවතට
නොගිය ඔබ ඉන්න මුත් සැඟවිලා
ලියනකොට මෙහෙම කවි එනවමයි දනිමි ඔබ
මිදුණා යැයි කියපු හිත දියවෙලා
හිත පුරා නැල වෙමින් සිටිනවා මිසක තුරු
නම ගමක් හෙව්වෙ නෑ මඳ නලේ
හිතුමතේ ඇවිත් රොන් සදනවා මිසක බිඟු
වෛයිවර්ණ හෙව්වෙ නෑ වන මලේ
හිතෙන තැනකින් එබී දිලෙනවා මිසක සඳ
ඇද පළුදු හෙව්වෙ නෑ ආකහේ
ඉපදෙමින් ඉතිරෙමින් ගලනවා මිසක සිත
හිමි අහිමි හෙව්වෙ නෑ ආදරේ!
No comments:
Post a Comment