බඹර තුඩකින් ලැබෙන
ආදරේ වේදනා
සුවයකැයි පවසන්නෙ
හැලෙන පෙති මතුපිටත්
කිසිම වෙනසක් නැතිව
සුවඳක්ම තවරන්නෙ
මාරුතේ හැපී හැපී
බිඳී යන ප්‍රාර්ථනා
සොඳුරු යැයි පවසන්නෙ
මිලිනවී ගියත් හෙට
අද දවස හැකි තරම්
හිනාවෙන් පුරවන්නෙ
මල!
මහත් දුක් වේදනා
උරුමයක් යැයි සිතා
කප්පරක් ඉවසන්නෙ
හෙටින් එළිවන දිනේ
කෙම් බිමක් ගැන සිතා
හීනයක් පුබුදන්නෙ
මඳක් පිටුපස හැරී
කිසිවෙකුට නොපෙනෙන්න
කඳුළු බිඳු පිසලන්නෙ
යලිත් ඉදිරිය බලා
ලෝකෙටම පෙනෙන්නට
සිනාමුව දක්වන්නෙ
ඇය !
අපූරුයි..
ReplyDeleteහැමදාම වගේ දාන කමෙන්ට් එකට බොහොම ටැංකිව් නමී .
Delete