253. කවි පොත

ඉසිඹුවක් නොලබමින් සිත හැඟුම් පිබිදුණා 

සුරුවමක් වන් රුවක් දෙනයනේ දිලිහුණා 

සුසුවඳක් හෙමි හෙමින් සිත් මලින් විහිදුණා 

සැනසුමක් දැනුන තැන ඉතින් මං නැවතුණා 

මඳ­හ­සින් පණ ලැබුණ නිහඬ සම­නල් සිහින 

හෙමිහෙමින් පාවෙමින් කොපුලතක් කිති කැවින ­ 

සඳ දියෙන් නැහැවෙමින් කොඳ මලක් ඇහැ ඇරින 

එම නමින් මා හදේ කවි පොතක් දිග හැරින.

(පින්තූරය මුහුණු පොතෙනි.)

මුහුණු පොතෙ මගේ කවි පිටුවටද හැකි නම් පිවිසෙන්න.