සුදු වතින් සැදි ප්‍රිය
සුව කරන්නියකිය
හෙදිය නම් ලද ලිය
අමුතු ජීවියෙකිය
නිදහසක් හිමි නැති
පුදුම රැකියාවකි
නමුත් අහිතක් නැති
මේක සත්කාරෙකි
අරන් අවධානම
වැඩට දුවගෙන එන
ගොඩක් නම් තිබුනට
'මිස්'ය පුරුදුම නම
ලෙඩුන් සෝ දුක ළඟ
පෙනෙද්දිත් අනියත
සිනාවෙන් හෙට ගැන
සිතුම ලේසිම නැත
පහන්සිල අත මත
නිවෙද්දිත් සුළඟට
සිතයි සැඟවෙන පණ
රකින්නට හුස්මක
අධික වැඩ ගේ දොර
රෑට සේවා මුර
කළමනාකරණය
නොකළහොත් ඉවරය
කරොත් වැඩ හරියට
ඉඩක් සුරලොව ඇත
හෙල වුනෝතින් හිත
අපායෙත් යත හැක
රෑට බත් එක හරී
දෝණි තාමත් නිදී
ඒත් නොගිහින් බැරී
වාට්ටුව අද බිසී!
ප. ලි.
හෙද සොයුරෙකුගේ ඉල්ලීම පරිදි අප ආදරණීය සියලුම හෙද සොයුරු සොයුරියන් වෙනුවෙන් ලියවුණකි.
නෝනා මගේ නර්ස් නෝනා
ReplyDeleteරජකුමරිය ඔබයි ඉස්පිරිතාලේ....
ටැංකිව් නමී!
Delete