සිදුරු කරගෙන පොලෝ හදවත
ඉතා ගැඹුරට කිඳා බැස්සේ
ටිකෙන්
ටික එසවෙමින් ඉහලට
හෙමින් සාරය උරා ගත්තේ
ඛාදනය වී ගිලන් වන හද
ඒත් ඒ කිසිවෙකු නොදත්තේ
මුදුන් මුල් නැති සමහරක් ගස්
තමයි පොළොවක් වසා ගත්තේ
හෝස් ගා ඉර එවන අව්වෙන්
හැකි තරම් සැර උරා ගත්තේ
කුඩා පත් දස දහස් ගණනින්
හලා බිම තෙත රඳා ගත්තේ
ඉරි තැලෙන්නට ඉඩ නොදී හිත
වසාගෙන හෙවණැල්ල මත්තේ
මල් පිපෙන්නැති සමහරක් ගස්
තමයි පොළොවක් බලා ගත්තේ
සියල්ලම මායාවකැයි කී
ලොවෙත් යම් සත්‍යයන් ඇත්තේ
නැවතුමේ දිවි, ලැගුම් අහිමිය
සැරිසරන්නට පමණි හැක්කේ
හිමි නොවූ සඳ අතහැරි යන
වැඩිමනත් සිත් සතන් මැද්දේ
හිමිකමක් ගැන නොම සිතූ අය
තමයි ප්‍රේමය හොයා ගත්තේ!
හ්ම්......
ReplyDeleteමේ පැත්තට එන්ට
Deletehttps://frozenlazyowl.blogspot.com/2022/01/blog-post.html?showComment=1641882546012#c8732485911838012658
බොහොම ටැංකිව් නමී. අපේ ගෙදර එන පාර කියා දීල නේද. මම ගියා ඒ පැත්තට. මගෙ අම්මෝ මහ බරසාර කතා නේ තියෙන්නෙ. මට ඔක්කොම තේරුණ නිසා ඉතින් අදහසක් නොකියම ආපහු එන්න ආව. :)
Deleteනමිය පෙන්නපු පාර දිගේ ආවෙ. මට එතරම් කවි රස වින්දන හැකියාවක් නම් නෑ. ඒත් මෙහෙ හොඳ ලස්සන කවි තියනවා. කවි වලටම ගැලපෙන පිංතූර දාලත් තියනවා.🙏👌😊
ReplyDeleteනමියගෙ ප්‍රමෝට් කිර්‍රිමත් අගය කරන්න ඕනෙ වැඩක්. ලියන අයගෙ අගේ තේරුනේ, බ්ලොග් ලෝකෙට වාරකං ආපු පහුගිය කාලෙදියි.🤔
මේ ලොකු මහත්තැන් කෙනෙක් නේද ඇවිල්ල ඉන්නෙ. බොහොම ටැංකිව් වේවා ආවට. ඇත්තෙන්ම නමී ලොකු උදව්වක් කරලා තියෙන්නෙ. ආපහු ටැංකිව් මහත්තුරු දෙන්නටම.
Deleteමෙහාට පාර පෙන්නුවාට ස්තුතියි නමී.
ReplyDeleteමල් පුබුදුවත් නැතත් ලස්සන
නොදුන්නත් පල ඉතා රසබර
ගහක් කරනා මහා මෙහෙවර
කියන්නට වටිනවා කවි කර
රඳවනා'තර පොළොවෙ තෙතමන
උරා ගනිමින් හිරුගෙ කිරණද
අම්ලකර නිපදවා ලන්නද
ගහක් මෙලොවට බිහි වුණේ?
ගහක සෙනෙහස නිමක් නොමැතියි
කළත් පීඩා ගණන් නොගනියි
කරන්නේ යහපතම පමණයි
ඒක නොවෙදෝ ආදරේ!
ඇවිල්ල කවියක් දුන්නට බොහොම ටැංකිව් නිදි තුමා. අඩු පාඩුවක් තියේ නම් පෙන්නල දෙන්න මටත්. මේ පැත්තේ ආව එකම කොච්චර දෙයක්ද. දෙන්නටම ස්තුතියි.
Delete