සුදුපාට මීදුමේ
රතුපාට බස්රතේ
දිග..... හුස්මක් අරන්
උස කන්ද නගිනවා
වා කවුළු කෙලවරේ
මුදු සීත මඳනලේ
හුරු පුරුදු මල් සුවඳ
මට තාම දැනෙනවා
පෙම්වතුන් යුවලකට
පමණක්ය කිය කියා
පිටිපස්සෙ සීට් එක
දොර දෙසම බලනවා
අර ඈත කඳු පෙලේ
ඔබ ඉන්න මන්දිරේ
කොහේ වේදැයි කියා
මං එවිට හොයනවා...
ප. ලි.
ගිනි පෙට්ටියක් වගේ
මේ ඇදෙන බස් රතේ
ඔයාටත් පේනවැති
මට එහෙම හිතෙනවා...
කවුළුවෙන් අතවනා
ගිහින් එන්නැයි කියා
කියනවා මයි ඔයා
මට එහෙම දැනෙනවා ...
චන්දෙ ඉල්ලන හුරෙක් වෙන්ටෑ වනන්නෙ තියාන.
ReplyDeleteමසුරං කවි පොජ්ජ...
අපේ නෑනෙ ඒ ජාතියෙ හූරො එක්ක ගණුදෙනු. බොහොම ස්තුතියි නමී.
Delete❤️❤️❤️
ReplyDeleteබොහොම ස්තුතියි තිලිණි.
Delete♥️♥️♥️
ReplyDelete