තවත් මල් පෙති වැටෙනවා
සුළඟ නොනැවති හමනවා
කොහෙන්දෝ පාවෙලා ඇවිදින්
පුරුදු සුවඳක් දැනෙනවා
දෑස ඈතක ඇදෙනවා
කෙනෙක් ඒ යැයි සිතෙනවා
තාම බංකුව දකුණු පැත්තේ
එනවනම් ඉඩ තියෙනවා
ඈත අහසම පෙනෙනවා
පුරුදු හිස් බව තියෙනවා
නූල කැඩිලා සරුංගලයක්
ඔහේ ඔබ මොබ සරනවා
දැස හෙමිහිට වැසෙනවා
හීනි සුසුමක් නැගෙනවා
නැගිට යා යුතු වේය ආපසු
මසිත් මට බල කරනවා
සඳක් ටිකකින් නැගෙනවා
අදත් කවියක් ලියනවා
තිතක් වෙනුවට කවිය අග දිග
පේළියක් තිත් තියනවා..........
No comments:
Post a Comment