Wednesday, February 2, 2022

207. මගෙ අහස



 








 වලාකුළු කැරලි ටික 
 පැත්තකට කෙරුවාම 
 අහස් නිල්, නිල් පාට 
 ඔය කමිසෙ ඇන්දාම 
 ඉණට අත් දෙක තියන් 
 පල්ලෙහා බැලුවාම 
 ඇත්තමයි මේ අහස 
 කොයිතරම් ලස්සනද 

 මොකක්හරි අල්ලගෙන 
 විහිළුවක් කෙරුවාම 
 තරහදැයි අස අසා 
 මං අතින් ඇද්දාම 
 දම් පාට කර මූණ 
 තව බුම්ම ගත්තාම 
 ඇත්තමයි මේ අහස
 කොයිතරම් ලස්සනද 

 අවුස්සා රැලි කොන්ඩෙ 
 අවුල් කර දැම්මාම 
 ඇහි පිල්ලමක් හොරෙන් 
 ගලවගෙන දිව්වාම 
 අල්ලන්න පසු පස්සෙ  
 දුවල හති වැටුනාම 
 ඇත්තමයි මේ අහස
 කොයිතරම් ලස්සනද 

 හංගගත් මගෙ කවිය 
 උදුරලා ගත්තාම 
 බැරෑරුම්කම මූණෙ 
 ඒ සැණින් ඇඳුනාම 
 හිනා පිපිරෙන සද්ද 
 හිත යටින් ඇහුණාම 
 ආදරේ මං හුඟක්  
 මේ අහස මගෙ නේද?



By at

2 comments:

Subscribe to: Post Comments (Atom)
සේපාලිකා මල් වෙත පැමිණි ඔබට බෙහෙවින්ම ස්තුතියි. ඉඩක් ඇත්නම් ඔබේ අදහස මෙහි තබා යන්නත් අමතක කරන්න එපා. මුහුණු පොතෙන් මගේ කවි පිටුව කියවන්න කැමති අයට ( මෙතැනින් ) පිවිසිය හැකියි.