Monday, May 27, 2019

80. ගෙදර එනතුරු


පාවී දුරක සිට ඉර අවරට යන්නා
රෑවී ළඟ ලඟම අඳුරද මතු වෙන්නා
බෑවී ඉවසීම මක, තරහක් එන්නා
ආවී නැහැ ගෙදර තාමත් අර දෙන්නා

ගිය පසු උදේ නැගිටල දඩි බිඩි ගාලා
අපි මෙහෙ තට්ට තනියම අත හැර දාලා
රෑ බෝ වෙලත් ගෙදරක් ගැන නොහිතාලා
මක් කරනවද දන් නැහැ මෙච්චර වේලා

ඉන්නට තැනක් තිබු පමණින් අපිට සුව
කන්නට යමක් දුන් පමණින් ළඟට තව
පූසන් ටත් හිතක් පපුවක් තියෙන බව
තේරුන්නැති එකයි දෙන්නට, අපගෙ පව

යන්තම් ශේප් වි උදයේ දුන් කෑමෙන්
ඉවසන් ඉන්නෙ අපි තුන් කට්ටුව සෝකෙන්
දුවගෙන ගොස් මගට කකුලට පැන වේගෙන්
අඟවන්නෝන කෝපය බෙරිහන් දීමෙන්

එල්ලෙන විට මිරිස් පොඩි ගස්වල රුවට
ඉන්නම බැරුව කඩලා දැම්මනෙ බිමට
කොළ ටික රම්පෙ පඳුරෙහි ඉරමින් හොඳට
වැනසුව පලාතම අරගෙන අපෙ අතට

දඟ වැඩ පොඩි උන්ට කැප බව දත් හින්දා
පෙරලල බිමට මල් පැළ ඔක්කොම බින්දා
බඩු ඇද හොඳම සන්තෝසමකුත් වින්දා
මදි මුත් හිතට වෙන මක් කරමුද මන්දා

නැගගෙන දර කොටයකට පුප්පගෙන බලන්
දිරි ගෙන හිතට කල යුතු දෙය මෙනෙහි කරන්
ඉන්නේ ඔරවගෙන පාරට දෙනෙත යොමන්
ගෙදරට කොයි වෙලේ දෙන්නා එයිද බලන්

ආදෙන් අද ගෙදර ඉවසුම් නෑ හිතට
රෑ කෑ ගහල වද දෙනවාමයි තදට
පොඩි හරි සමාවක් දිය හැකි වෙයි අදට
යෝගට් වත් අරන් ආවෝතින් අපට.

17 comments:

  1. උසස් නිර්මාණයක්.

    ReplyDelete
  2. ආවා මෙහෙත්... ස්තූතියි ඉයන් පාර පෙන්නුවට

    ReplyDelete
    Replies
    1. මෙන්න කවි කාරිත් ඇවිත්. බොහොම ස්තුතියි සඳවතියේ මෙහි ආවාට. පාර පෙන්වූ ඉයන්ට නැවත වතාවත් ස්තුතිය.

      Delete
  3. Replies
    1. ස්තුතියි කසුන් අහසෙන් මෙහි ආවාට.

      Delete
  4. harima lassanai diwagiya mage hitha aathata . mathak una mage pusa kirisuttawa aran karata wadagena awidda waththa pura, eyath asa una puru puru gamin rasa vinda waththa pura awidina kota . kiyanawa wadaganna kiyala malawade yanko geta keewa wage andanawa boring unama

    ReplyDelete
    Replies
    1. ස්තුතියි ඔබටත්. මා වැනිම පූස් ගායෙන් පෙලෙන තවත් කෙනෙකු හඳුනාගන්නට ලැබීම සතුටක්.

      Delete
  5. බළලුන් හොඳයි වැලි ගොඩවල් නැති මිදුලේ
    සමහර උන්ට මීයන් දුටුවත් නැහැනේ අවුලේ
    හිතාන ඉන්නේ උන් දෙවියන් කියාලුනේ
    බල්ලන් හිතනවලු අපි දෙවියන් කියළා බොලේ

    මකබෑ(මට කවි බෑ)

    ReplyDelete
    Replies
    1. හැදිලා ඇත පූසො ලැජ්ජාවට බයට
      වැලි තිබුනත් මිදුලෙ අවුලක් නෑ අපට
      බව්වෙක් ගේන්නට ආසාවක් තදට
      තියෙනව හිතේ බලමුකො තව ඉදිරියට.

      මකබෑ. ලස්සන අදහස (සබාවේ තදින් සිනා). බොහොම ස්තුතියි සුදීක ඔබේ පැමිණීමට සහ ප්‍රතිචාරයට.

      Delete
  6. ඉයන් ගෙන් පාර අහගෙන තමයි ආවේ. හරිම හුරතල් පූස් පවුලක් නේ.

    ReplyDelete
    Replies
    1. ස්තුතියි මානවී මේ පැත්තේ ආවාට. ආයෙත් එන්න.

      Delete
  7. සුපිරි කතාවක්නේ..

    ReplyDelete

සේපාලිකා මල් වෙත පැමිණි ඔබට බෙහෙවින්ම ස්තුතියි. ඉඩක් ඇත්නම් ඔබේ අදහස මෙහි තබා යන්නත් අමතක කරන්න එපා. මුහුණු පොතෙන් මගේ කවි පිටුව කියවන්න කැමති අයට ( මෙතැනින් ) පිවිසිය හැකියි.