ඇහැළ අහස යට ඉඳගෙන
ඇහැළ පිපුණු මල් පාරේ
පිරෙන නෙතයි ලිහෙන හිතයි
යලි කියවමි
ඇයි නොදනිමි ...
මල් පෙති මේ දිලිසි දිලිසි
කහ පාටින් පැළඳ ඉන්නෙ
අපි විසිරෙව් ආදරේද
කියා සිතමි
ඉන් සැනසෙමි ...
පෙති ගිලිහි මිහිකත වන්
මලක සුසුම් සුවඳ දැනේ
සොබා දහම එය නොවේද
සිතට ගනිමි
ඉන් නවතිමි...
එකම මගට හැරෙනු බැරිව
අප නැවතුනු මෙ මංසලේ
දළු නොදමන මතක ගසේ
සෙවණ හරිමි
දැන් සමුගමි...
(පින්තූරය අන්තර්ජාලයෙනි.)
No comments:
Post a Comment