Monday, July 5, 2021

172. දිනේවා මාගෙ හිමි සඳු


















ආව මග මේ සසර ගමනෙහි පිරූ පින් බොහො බව මම 
ආයෙ ආයෙම පසක් වේ මට ඔබේ සෙනෙහස දුටුවම
දෝව ගෙන හිත ඔබේ සුවඳින් ලබා ලොව්තුරු සුවයම 
බාර ගමි හැම දේම සතුටින් ඔබට දී ජීවිතයම 


ගලා සෙනෙහස සතුට සැනසුම උණුසුමින් පිරි කැදැල්ලේ 
සිනා කිරිකැටි වදන් සුරතල් ගලාගෙන යන නිදැල්ලේ 
බලා හිනැහෙමි නිවෙමි සැනසෙමි නිබඳ සොම්නස් සදැල්ලේ
පියා ගෙන නෙත් ඔබේ සෙවනේ ගෙවී යන හැම ඇසිල්ලේ 


නිතින් වෙහෙසී සිතා අපි ගැන අපට සැප සම්පත් සැදූ
හදින් උතුරා සෙනේ ගඟුලක් නිබඳ අප වෙතටම පිදූ
ඉතින් එළැඹෙන උපන් දිනයෙහි පැතුම් සහසක් සිත රැඳු
සුවෙන් සතුටින් සැපෙන් සැමදා දිනේවා මගෙ හිමි සඳු !!!



By at

1 comment:

Subscribe to: Post Comments (Atom)
සේපාලිකා මල් වෙත පැමිණි ඔබට බෙහෙවින්ම ස්තුතියි. ඉඩක් ඇත්නම් ඔබේ අදහස මෙහි තබා යන්නත් අමතක කරන්න එපා. මුහුණු පොතෙන් මගේ කවි පිටුව කියවන්න කැමති අයට ( මෙතැනින් ) පිවිසිය හැකියි.