සතුට හල හල හමන සුළඟට ආයෙ මල් වැහි වහිනවා
බිමට ගිලිහී රෝස වෙනුවට කහම කහ පෙති වැටෙනවා
හිතට කකියන පුරුදු සුවඳක මතක පිටු දිග හැරෙනවා
ඔබට සකුරා පිපෙන කාලෙට ඇහැළ මල් මට පිපෙනවා
හිනා වීගෙන ඇහැළ ගහ වගෙ අරන් මල් පොකුරක් අතේ
හැබෑ ලෝකෙට ඔබේ වෙන්නට හීනයක් තිබුණා හිතේ
හඹා ගොස් ලොව දිනාගෙන මම හනික එමි යැයි ජීවිතේ
කියා ගිය නුඹ ආවෙ නැතුවට තාම තරහක් නෑ හිතේ
සුවඳ සකුරා නුඹගෙ අයිතිය අහිමි බව මට හැඟෙනවා
සඳට ඉකිබිඳ හඬනු කුමටද පොළොවෙ සිහිලස දැනෙනවා
දැනුනු දවසක පුරුදු සුවඳක් කාට මුත් ඇහැ ඇරෙනවා
ඇහැළ මල් වැහි දකින්නට ඔබ එතැයි නිකමට හිතෙනවා.
http://upekshad.blogspot.com/2016/02/blog-post_12.html
ReplyDeleteඅනේ බොහොම ස්තුතියි ලිඛී. සතියකට විතර හරි යන්න ලේ ටික පිරිසිදු උනා ඔය කිව්ව පොස්ට් එකේ කමෙන්ට්ස් ටික කියවල.:)
Deleteඇහැළ මලින් ගස් පිරිලා බලන්න හරි ලස්සනයි… කවියත් ඒ වගේම ලස්සනයි… :D
ReplyDeleteබොහොම ස්තුතියි මියුරු.
Deleteකහ පාට මල් කියන්නේ හිත ෆ්‍රෙෂ් කරනවා අප්පා....මෙ වචනත් එහෙමයි
ReplyDeleteබොහොම ස්තුතියි කිඹුලියේ.
Deleteමෙ දවස් හරි නෑ... නැත්තං කයි වලින්මයි මේවාට උත්තර සපයන්න හිතෙන්නේ... ඒ තරම් සොඳුරුයි
ReplyDeleteඒකනේ. කයි වලින් උත්තර තිබුන නම් කොච්චර හොඳද. බොහොම ස්තුතියි සඳ.
Deleteඇහැළ මල් වැහි දකින්නට ඔබ එතැයි නිකමට හිතෙනවා.//
ReplyDeleteඅන්‍තිම පදේ ලස්සනයි. බලාපොරොත්තු කියන්නේ ජීවිතය ජීවත් කරවන දෙයක්...
ලස්සන කවි පන්තිය...
මාත් ආසයි ඇහැල වගේම මැයි මල් වැටිලා තියෙන කාලෙට.. ඔය හැම ගහක්ම තිබුනා අපේ ස්කෝලේ. ඇහැල ගස් යට අපි ඉගෙන ගෙන තියෙනවා..
කොට්ටම්බා ගස් යට ඉගෙන ගෙන තියෙනවා..
මැයි ගස්,අරලිය ගස් යට සෙල්ලම් කරලා තියෙනවා.. මේ කවි වලින් ඇහැරෙන්නේ මගේ නම් ඒ සුන්දර මතක.. ස්තූතියි ඔබට...
ඒක නේන්නම්. මල් වගේම ලස්සන මතක. බොහොම ස්තුතියි අරූ.
Deleteලස්සන ගෙත්තමක් විනීත පූ .
ReplyDeleteඇහැළ මල් කිව්වාම ඉස්කෝලේ කාලේ මතක් උනා .
බොහොම ස්තුතියි කලණ. මට නම් තාම මේ හැම මලක්ම මුණගැහෙනවා නිතර නිතර. ඒත් ඉස්කෝලේ කාලේ වගේ සතුටින් සැහැල්ලුවෙන් ඒ දිහා බැලෙන්නේ නැද්ද මන්ද. අදම නේ ආවේ මේ පැත්තට. ආයෙත් එන්න.
Deleteඇහැල මල් පිපෙනා දෙවට දිගේ නුඔ පියමැන්නා.. :D
ReplyDeleteසුභ වේවා!!! රාජ සම්පත් ලැබේවා!!!
බොහොම ස්තුතියි උතුමාණනි.
Delete