ලියා තබන්නෙමි මගේ කවි ඔක්කොම
මේ මල් පෙති මත්තේ
සිනාසෙමින් විත් නුඹට බලන්නට
යම් දිනයෙක පස්සේ
මිලාන වී පෙති බිමට වැටෙද්දී
මගේ කවිත් එක්ක
සුළං හමාවිත් අරන් යාවි රස
ඒ කවි වල දැක්ක
අලුත් කැකුළු මල් පිබිදී එනකොට
සුළං ඇවිත් හමලා
ආයෙ ලියනු ඇති ඒ කවි පෙතිවල
හොඳින් මතක් කරලා
ලිව්ව ලෙසම අද හෙටත් තියේවී
මේ කවි රස මුසුව
දිනෙක පිපුණු කවි හිතත් සමග නුඹ
ඇවිත් බලන තුරුම.
ලිව්වේ විනීත පූ - 2019-04-10
No comments:
Post a Comment