හසරක් නොදැන සසරෙහි සැරිසරන දින
නොදැනිම වගේ නුඹ විත් කුස තුලට පැන
සෙනෙහස මුහුද හරවා හිත ලඟට වුන
පුදුමයි තවම යලි මා ලැබූ දිනය පණ
හා පැටියෙක් වගේ තුරුළුව ලඟට වෙමින්
සුරතල් වදන් මුමුණන විට සිනහ සෙමින්
මුළු තුන් ලොවේ කිසිවෙකුටත් නොමැති ලෙසින්
පුරවයි සෙනෙහෙ සිත නිරතුරු උතුරුවමින්
ඉපදුනු දා පටන් ලෝකෙම සරසන්න
දඟ පැටියෙක් වෙලා මට කරදර දෙන්න
නොසිතා හරිම අවිහිංසක ලෙස ඉන්න
කොහොමද පුරුදු වුනෙ පැටියෝ පවසන්න!
Friday, January 25, 2019
41. නෙළුම් මලයි නුඹ ...
සුදු නෙළුම් මලක සුවඳ දිගේ සිත පැටලෙනවා
මුදු සුවඳ දිදී නුඹෙ සුවඳට තව ලංවෙනවා
ඒ අතීතයේ සිතූ සිතුම් මට සිහිවෙනවා
ඒ අතීතයේ සිතූ සිතුම් අද සුව දෙනවා
සුදු නෙළුම් මලක් බෙල්ලන්විල බෝ සමිඳුන්ට
බැති සිතින් පුදා පැතුවේ මං නුඹ මගෙ වෙන්ට
නිදි ලොවේ සිනාසී සිහිනෙන් ආ දැකගන්ට
කිරි සුවඳ දැනේ දුන් එදවස මා සනසන්ට
හිස් අහස් ගැබේ පොඩි තරු කැට අතරින් පායා
සඳ කුමාරියක් විත් අහසට රහසක් කීවා
සඳ දියෙන් තෙමා සිත් අහසම සෙනෙහෙන් නාවා
පස් මහා බැලුම් නොබලා නුඹ මා වෙත ආවා
හෙමි හෙමින් මතක පොත පිටු පෙරලා බලන්නෙමී
සුන්දරම මතක මල් ගෙන යලි යලි සිම්බින්නෙමී
මල් සුවඳ පිරුණු සුසුමක් සතුටින් මුදන්නෙමී
මගෙ නෙළුම් මලයි නුඹ, ආදරයෙන් රකින්නෙමී
මුදු සුවඳ දිදී නුඹෙ සුවඳට තව ලංවෙනවා
ඒ අතීතයේ සිතූ සිතුම් මට සිහිවෙනවා
ඒ අතීතයේ සිතූ සිතුම් අද සුව දෙනවා
සුදු නෙළුම් මලක් බෙල්ලන්විල බෝ සමිඳුන්ට
බැති සිතින් පුදා පැතුවේ මං නුඹ මගෙ වෙන්ට
නිදි ලොවේ සිනාසී සිහිනෙන් ආ දැකගන්ට
කිරි සුවඳ දැනේ දුන් එදවස මා සනසන්ට
හිස් අහස් ගැබේ පොඩි තරු කැට අතරින් පායා
සඳ කුමාරියක් විත් අහසට රහසක් කීවා
සඳ දියෙන් තෙමා සිත් අහසම සෙනෙහෙන් නාවා
පස් මහා බැලුම් නොබලා නුඹ මා වෙත ආවා
හෙමි හෙමින් මතක පොත පිටු පෙරලා බලන්නෙමී
සුන්දරම මතක මල් ගෙන යලි යලි සිම්බින්නෙමී
මල් සුවඳ පිරුණු සුසුමක් සතුටින් මුදන්නෙමී
මගෙ නෙළුම් මලයි නුඹ, ආදරයෙන් රකින්නෙමී
Friday, January 4, 2019
40. දුවණි ...
සහස් සුවහස් සිනා පුබුදන
සිහින ගොන්නක් සිතට කැන්දන
සුවඳ දෙන මුදු වදන් තෙපලන
නිසල මගෙ දිවි අරණ කළඹන
දුවණි මගෙ සිත නුඹට නතුවන...
නැවුම් උල්පත් සිතක උතුරන
හදෙහි නෙක මල් මඩුලු හැඩලන
මවෙත වෙලෙමින් සොඳුරු සුව දෙන
නිබඳ මගෙ ජීවිතය කියවන
දුවණි මගෙ නෙත නුඹම ගෙනයන...
අඳුරු පැහැ මඳ මලක පෙති ගෙන
සෙනෙහෙ ස්වරයෙන් නිබඳ නලවන
වැටෙන නොවැටෙන කඳුළු කියවන
මියෙන්නට යෙන සිතට දිරි දෙන
දුවණි මගෙ සඳ නුඹය මගෙ පණ...
සිහින ගොන්නක් සිතට කැන්දන
සුවඳ දෙන මුදු වදන් තෙපලන
නිසල මගෙ දිවි අරණ කළඹන
දුවණි මගෙ සිත නුඹට නතුවන...
නැවුම් උල්පත් සිතක උතුරන
හදෙහි නෙක මල් මඩුලු හැඩලන
මවෙත වෙලෙමින් සොඳුරු සුව දෙන
නිබඳ මගෙ ජීවිතය කියවන
දුවණි මගෙ නෙත නුඹම ගෙනයන...
අඳුරු පැහැ මඳ මලක පෙති ගෙන
සෙනෙහෙ ස්වරයෙන් නිබඳ නලවන
වැටෙන නොවැටෙන කඳුළු කියවන
මියෙන්නට යෙන සිතට දිරි දෙන
දුවණි මගෙ සඳ නුඹය මගෙ පණ...
39. ජීවිතේ හමු වෙලා...
රැය පුරා නෙතු ඇරන්
දුටු සිහින ඉටු වෙලා
නිදි නොමැති නෙත් කෙවෙනි
සෙනෙහසින් මත වෙලා...
හැඟුම් දිරා පිරී ගොස්
හද මඬල ඉතිරිලා
විවර වූ මුව අගට
සුබ පැතුම් ලං වෙලා...
දිවි මගට එලිය දෙන
පහන් වැට දැල්විලා
කුඩා මුදු හිතක් ළඟ
ජීවිතේ හමුවෙලා ...
දුටු සිහින ඉටු වෙලා
නිදි නොමැති නෙත් කෙවෙනි
සෙනෙහසින් මත වෙලා...
හැඟුම් දිරා පිරී ගොස්
හද මඬල ඉතිරිලා
විවර වූ මුව අගට
සුබ පැතුම් ලං වෙලා...
දිවි මගට එලිය දෙන
පහන් වැට දැල්විලා
කුඩා මුදු හිතක් ළඟ
ජීවිතේ හමුවෙලා ...
38. සිතන්නෙමි මම නුඹ ගැන ...
අහස කහ පැහැ ගැන්වුන
පොලොව සතුටින් මත්වුන
සැන්දෑවක සිරි විඳිමින
සිතන්නෙමි මම නුඹ ගැන...
කටුක බස් හිත කොනිහන
කප්පරක් වැඩ හිර වුන
විටෙක කඳුලක් ගිලිහුන
සොයන්නෙමි නුඹෙ මුදු හඬ...
ගැඹුරු උඳුවප් සීතල
සීනයෙන් නුඹ හිනැහෙන
හාදු මුහුදක් නුඹටම
තමන්නෙමි මුදු සෙනෙහෙන...
ජීවිතේ පොත අවසන
සන්ගවගන්නට පණ නළ
දිනක් එනතුරු මතුදින
සිතන්නෙමි මම නුඹ ගැන...
පොලොව සතුටින් මත්වුන
සැන්දෑවක සිරි විඳිමින
සිතන්නෙමි මම නුඹ ගැන...
කටුක බස් හිත කොනිහන
කප්පරක් වැඩ හිර වුන
විටෙක කඳුලක් ගිලිහුන
සොයන්නෙමි නුඹෙ මුදු හඬ...
ගැඹුරු උඳුවප් සීතල
සීනයෙන් නුඹ හිනැහෙන
හාදු මුහුදක් නුඹටම
තමන්නෙමි මුදු සෙනෙහෙන...
ජීවිතේ පොත අවසන
සන්ගවගන්නට පණ නළ
දිනක් එනතුරු මතුදින
සිතන්නෙමි මම නුඹ ගැන...
Subscribe to:
Posts (Atom)
සේපාලිකා මල් වෙත පැමිණි ඔබට බෙහෙවින්ම ස්තුතියි. ඉඩක් ඇත්නම් ඔබේ අදහස මෙහි තබා යන්නත් අමතක කරන්න එපා. මුහුණු පොතෙන් මගේ කවි පිටුව කියවන්න කැමති අයට ( මෙතැනින් ) පිවිසිය හැකියි.