හසරක් නොදැන සසරෙහි සැරිසරන දින
නොදැනිම වගේ නුඹ විත් කුස තුලට පැන
සෙනෙහස මුහුද හරවා හිත ලඟට වුන
පුදුමයි තවම යලි මා ලැබූ දිනය පණ
හා පැටියෙක් වගේ තුරුළුව ලඟට වෙමින්
සුරතල් වදන් මුමුණන විට සිනහ සෙමින්
මුළු තුන් ලොවේ කිසිවෙකුටත් නොමැති ලෙසින්
පුරවයි සෙනෙහෙ සිත නිරතුරු උතුරුවමින්
ඉපදුනු දා පටන් ලෝකෙම සරසන්න
දඟ පැටියෙක් වෙලා මට කරදර දෙන්න
නොසිතා හරිම අවිහිංසක ලෙස ඉන්න
කොහොමද පුරුදු වුනෙ පැටියෝ පවසන්න!
No comments:
Post a Comment