සහස් සුවහස් සිනා පුබුදන
සිහින ගොන්නක් සිතට කැන්දන
සුවඳ දෙන මුදු වදන් තෙපලන
නිසල මගෙ දිවි අරණ කළඹන
දුවණි මගෙ සිත නුඹට නතුවන...
නැවුම් උල්පත් සිතක උතුරන
හදෙහි නෙක මල් මඩුලු හැඩලන
මවෙත වෙලෙමින් සොඳුරු සුව දෙන
නිබඳ මගෙ ජීවිතය කියවන
දුවණි මගෙ නෙත නුඹම ගෙනයන...
අඳුරු පැහැ මඳ මලක පෙති ගෙන
සෙනෙහෙ ස්වරයෙන් නිබඳ නලවන
වැටෙන නොවැටෙන කඳුළු කියවන
මියෙන්නට යෙන සිතට දිරි දෙන
දුවණි මගෙ සඳ නුඹය මගෙ පණ...
No comments:
Post a Comment