නිබඳ ඉසිමින් සිසිල හද වෙත සුවය ගෙන දිය බිඳිත්තකි
සුවඳ සලමින් මුදුම හසරැලි අවට විසුරන මල් කිනිත්තකි
ළබැඳි ලෙස හෙට දිනට පැතුමන් අලුත් කරවන සුබ නිමිත්තකි
සබඳ අප තනි නොවන බව යලි පසක් කල පොඩි දූ සිඟිත්තකි
අතේ නිතරම තුරුළු කරගෙන සිටින සුදු බෝනිකි පොඩිත්තකි
අගේ කර කර කියයි කවි ගී එහිම ආවේණික නැටිල්ලකි
එහේ අය හා හිනාවීගෙන රෑට හීනෙන් මල් ගෙතිල්ලකි
අනේ මේ නම් අපේ පිනටම අපේ දෝතට ආ මැවිල්ලකි
ලිව්වේ විනීත පූ - 2019-04-09
No comments:
Post a Comment