හිනා වැහි අරන් විත් මහද මත වස්සලා
රිදුම් පිරිමදින සඳ තුරුළෙ හින්ද නැළවිලා
අහිමිවී ගිය නමුත් බොහෝ දේ සැඟවිලා
ඇති බවක් හැඟෙනවා ජීවිතේ හමු වෙලා
පිපෙන මල් වල අසිරි කුඩා වුවනේ දකිමි
දිලෙන තරු වල කැල්ම කුඩා දෙනෙතේ හඟිමි
හමන නල මුදු සුවඳ ඇගේ මුවගේ විඳිමි
මිලින සිතිවිලි බොහෝ දුරක පා කර හරිමි
කිරුළු හිස පැළන්දූ උතුම් මව් පදවියේ
කුරුළු පොඩි පැටික්කිය සිටින සුරතල් වියේ
තුරුළු කර ආදරෙන් සෙනෙහෙ හද නිම්නයේ
දියළුමක සිසිල ගමි ගෙවෙන සති අන්තයේ.
No comments:
Post a Comment