සතුටු අරණක තනිවෙමී - නුඹ නිසාවෙන් මා
දුරක පාවෙයි සිතිවිලී - සැහැල්ලුව විදහා ...
බලා ලොව දෙස පෙර නොවූ ලෙස පා දයාබරකම්
බෙදා මිතුදම් දසත විසිරෙන ලෙස හිතාදර කම්
වහා විත් යලි තවත් දිනයෙක මෙහෙ නිමා කරමින්
බලා හිඳිනෙමි නැගිට නින්දෙන් නුඹ සිනාසෙනකන්
සමුදුරක් වන සෙනෙහෙ සිත ළඟ නුඹ නිසා පිරුණා
මිහිකතක් වන මහඟු අබිමන් නුඹ නිසා ලැබුනා
සියපතක් වන කවි හිතක් අරුණළු නැගී පිපුණා
සුවහසක් සිතුවිලි වලින් හද කවි පෙළක් ගෙතුනා
සතුටු අරණක තනිවෙමී - නුඹ නිසාවෙන් මා
දුරක පාවෙයි සිතිවිලී - සැහැල්ලුව විදහා ...
No comments:
Post a Comment