දුන්නම හාදු මදහස මුව දිග හැරියා
සිහිවේ හුඟක් නවතාගන්නට බැරියා
සෙල්ලම් කරනවද දැන් මගෙ සුදු පැටියා
අද නෑ වෙනද වගෙ අම්මා එන්නෙ දුවන්
පැටියෝ ජනේලය ළඟ ඉන්නෙපා බලන්
අච්චා කවයි බත් කට කට ලඟට කරන්
දෙමලිච්චන්ට වී ඇට බිම දමන ගමන්
අපෙ හිත් දන්නෙ නැති බවකුයි පෙන්වන්නේ
ඔරලෝසුවේ කටු හෙමිනුයි කැරකෙන්නේ
ආවම කරන වැඩ ගැන සිහි කරමින්නේ
අම්මා හරිම නොම ඉවසිල්ලෙනි ඉන්නේ
ආවම වඩාගෙන රවුමක් කරකැවිලා
යමු අපි ලතාවට අලියගෙ පිට නැගිලා
අත් අල්ලගෙන රිසි සේ බිම දිග ඇදිලා
කියමුකො සින්දු එක දිගටම යන නැගිලා
අච්චා කතා කිව්වොතින් වෙනද නොකී
වරුවම හවස් සතුටින් ගත කරනු හැකී
ඉන්නයි ලඟට ගෙන රත්තා සමග නිකී
අම්මා නැති අඩුව එතකොට යාවි මැකී
No comments:
Post a Comment