Thursday, October 17, 2019

111. මට ඒ ඇතී












සිනා වරුසා නෙතින් වස්සා
කොහේ හෝ නුඹ පිපේ නම්
දිදී සැනසුම් සුවෙන් සතුටින්
කොහේ හෝ නුඹ රැඳේ නම්
මට ඒ ඇතී - සැනසිය හැකී
දිවි ඇති තුරා - මට ඒ ඇතී ...

දුරින් ගව් ගානක් හැබෑවට
ඈත හිටියත් නෑ වගක්
එකට එක ළඟ ඉඳ සිනාසේ
ආකහේ අර තරු දෙකක්
ඒ තරු අපේ - සිත් යයි හැගේ
පෙරටත් වඩා - සෙනෙහස දැනේ ...

හිටිය තැන නැවතී හදේ ඔබ
එන්න එන්නම උණුහුමයි
ජීවිතේ හරි පාර කී ඇස්
වලට හැමදා මං ණයයි
සුළගේ පවා - සිහිලක් දැනේ
ඒ ආදරේ - සුවඳයි හදේ ...

Inspired by:
"Stars are seen together,
yet they are so far apart,
true friends may not meet or speak every day,
but they are always linked heart to heart."
(True friendship quotes)

9 comments:

සේපාලිකා මල් වෙත පැමිණි ඔබට බෙහෙවින්ම ස්තුතියි. ඉඩක් ඇත්නම් ඔබේ අදහස මෙහි තබා යන්නත් අමතක කරන්න එපා. මුහුණු පොතෙන් මගේ කවි පිටුව කියවන්න කැමති අයට ( මෙතැනින් ) පිවිසිය හැකියි.